【影片】拆解乙型肝炎謬誤

淨係睇鄧梓峰個樣，就知佢係正義朋友，無奈佢天生戇直，幫人總係幫到亂晒大籠，今次遇著老友患上咗乙型肝炎，佢竟然諗到窒佢食豬潤豬頭豬腳，整餐全豬宴俾佢以形補形。咁樣得唔得㗎？好彩腸胃肝臟科專科馮恩裕醫生同臨床腫瘤科專科梁廣泉醫生及時出面阻止，糾正佢哋對乙型肝炎嘅謬誤，仲俾咗好多護肝心得佢哋添！十郎，問咗醫生先啦！